Кога се прави процена

Проценка на вредноста на информатичката технологија (ИТ), односно процена на ИТ, задолжително се врши при:

• пренос на правото на сопственост,
• определување на вредноста на капиталот во случаите кога доаѓа до промена на вредноста и структурата на капиталот и при статусни измени,
• стечајна постапка и ликвидација,
• финансирање и подигање на хипотекарен и заложен кредит,
• пребивање на побарување,
• постапка за експропријација,
• оданочување со даноци на имот,
• инвеститорски консалтинг,
• финансиско известување,
• во други случаи предвидени со закон.

Дополнително, процена на информатичка технологија, односно  проценување на пазарната вредност на  предметот на процена од страна на овластен проценувач, освен во случаите определени со Закон, може да се прави и по барање на заинтересирано лице – нарачател (правно или физичко лице).
Таа се прави и во случаи на проценка на кредитните барања поднесени од страна на компании кои вршат увоз на ИТ опрема доставени до комерцијалните банки. Граѓаните пак, исто така, имаат потреба од проценител доколку го вложуваат предметот за процена за започнување бизнис.